Gebete

Segne uns Gott der Herr,
dieses und noch mehr. (Tischgebet)

Vergälts Gott, tüüsig maalu, ljebu Seele.

Hälfter Gott, dass der de ds Andra besser ergäbe.

Heiliger Florian, höre meine Gebete an,
dass der Herr mir gebe einen Mann.

Zer Eer Gottes üfschtaa.
Zer Eer Gottes ga schlaafu.

Hälf mer Gott und ljeb Müottergottes
fer a glikkhaftigi Schtärbschtund.

Ach, ljebe Gott, verzjee mjer alli miini Sinde.
Ich wellti wäärli, ich hättischi nit gitaa.
Dü bischt a sona ljebe Vatter,
dü hescht mjer ds Ässu und ds Triichu
und ds Gwand und alls gigää.
Und jetz hänich dich asoo bileydigot.
Verzjee mjer alli miini Sinde.
Dü hescht fer mich Blüot gschwitzt,
dü bischt fer mich gigeysslot wordu,
dü bischt fer mich mit Doorne gikröönt wordu.
Dü hescht fer mich ds schweer Chriitz gitreyt,
dü bischt fer mich am Chriitz gschtoorbu.
Ach, ljebe, ljebe Gott, verzjee mjer alli miini Sinde.
Ich wellti wäärli, hätischi nit gitaa.
Ich will mich bessru.

Häb nummu Giduld.
Der Herrgott wirdsus scho richtu.

Sii gitrooscht,
der Herrgott laati nit los.

Am Aabund gaani ga schlaafu.
Der Herr Jesus Chrischtus sollmi nit verlaa.
Zwey Engja ze Fjessu, zwey Engja zum Höüt.
Tüomi nit wekku und laami nit la schtäärbu
ooni ds allerheyligschtoscht Altarsakramänt ds empfaa.